ආරුගම්බේ ප්රදේශයේදී ඊශ්රායල් ජාතිකයන් හට ප්රහාරයක් එල්ල කිරීමට සූදානම්ව සිටි බවට සැකපිට පුද්ගලයින් දෙදෙනෙක් ත්රස්ත විමර්ශන කොට්ඨාසය විසින් අත්අඩංගුවට ගෙන තිබෙනවා.
අදාල කරුණ සම්බන්ධයෙන් News19 වෙත ඊයේ (23) පස්වරු 5.40 ට පමණ තොරතුරු වාර්තා වූ නිසා ඒ සම්බන්ධයෙන් පොලිස් මාධ්ය ප්රකාශක නියෝජ්ය පොලිස්පති නිහාල් තල්දූව මහතාගෙන් විමසා සිටියා.
එහිදී ඔහු සඳහන් කළේ ආරුගම්බේ සිදුවීම සම්බන්ධයෙන් පුද්ගලයින් දෙදෙනෙක් අත්අඩංගුවට ගෙන ඇති බවට තමන් නොදන්නා බවයි.
ආරුගම්බේ ප්රදේශයේ පිහිටි ජනප්රිය සංචාරක ස්ථාන ඉලක්ක කර ගනිමින් ප්රහාරයක් එල්ල වන බවට විශ්වාසනීය තොරතුරු සමඟ අනතුරු ඇඟවීම් ලැබී ඇතැයි ඊයේ (23) ශ්රී ලංකාවේ අමෙරිකානු තානාපති කාර්යාලය සඳහන් කළා.
එමෙන්ම ඇමෙරිකානු තානාපති කාර්යාලය නිකුත් කළ අනතුරු ඇගවීමේ නිවේදනය පදනම් කර ගනිමින් තවත් රටවල් කිහිපයක් ද ශ්රී ලංකාව සදහා වූ සංචාරක උපදෙස් ඊයේ දිනයේ යාවත්කාලීන කර තිබෙනවා.
මේ අතර පවත්නා තර්ජන හේතු කොටගෙන ශ්රී ලංකාවේ සංචාරක නිකේතනවලින් ඉවත් වන ලෙස ඊශ්රායලය සිය පුරවැසියන්ගෙන් ඉල්ලීමක් කර තිබුණා.
ඒ අනුව කිසියම් ප්රහාරයක තර්ජන හේතු කර ගනිමින් ශ්රී ලංකාවේ ආරුගම් බොක්ක ප්රදේශයෙන් සහ දිවයිනේ දකුණේ සහ බටහිරින් පිහිටි අනෙකුත් වෙරළ තීරයන්ගෙන් වහාම ඉවත් වන ලෙසයි ඊශ්රායල ජාතික ආරක්ෂක මණ්ඩලය දන්වා ඇත්තේ.