කතරගම කඳසුරිදු ගම ප්‍රදේශයේ පිහිටි නිවසක් ඉදිරිපිට රැඳී සිටි පුද්ගලයන් දෙදෙනකු ඉලක්ක කර අද(29) සවස වෙඩි ප්‍රහාරයක් එල්ල කර තිබෙනවා.
මෙම වෙඩි ප්‍රහාරය ඇමති ආරක්ෂක අංශයට අනුයුක්තව රාජකාරි කරන පොලිස් කොස්තාපල්වරයකු විසින් සිදුකර තිබෙන අතර ඒ සඳහා යොදා ගත් බව කියන ටී 56 වර්ගයේ ස්වයංක්‍රීය ගිනි අවියද සමඟ සැකපිට අත්අඩංගුවට ගත් බව කතරගම පොලිසිය පවසනවා.
මෙම ගිනි අවියට අමතරව එම ගිනි අවියේ මැගසින් හතරක් සහ ජීව උණ්ඩ 128 ද සැකකාර පොලිස් කොස්තාපල්වරයා ළඟ තිබී පොලිස් භාරයට ගෙන තිබෙනවා.
වෙඩි ප්‍රහාරය එල්ල වනවා සමගම නිවස ඉදිරිපිට රැඳී සිටි පුද්ගලයන් දෙදෙනා පලා ගොස් දිවි බේරාගෙන ඇතැයි පොලිසිය සදහන් කරනවා.
පුද්ගලික අමනාපයක් මත මෙම වෙඩි ප්‍රහාරය එල්ල කර තිබෙන අතර ඇමති ආරක්ෂක අංශයේ රාජකාරි කරන පොලිස් කොස්තාපල්වරයා ළඟ තිබී සොයා ගත් ගිනි අවිය මැගසින් හතර සහ ජීව උන්ඩ තොගය ඔහුට රාජකාරි සඳහා නිකුත් කර තිබූ ඒවා බව බවට පොලීසිය සැක පළ කරනවා.
