පාස්කු ඉරිදා බෝම්බ ප්‍රහාරය සම්බන්ධයෙන් චැනල්-4 නාලිකාව ප්‍රචාරය කළ වීඩියෝව පිලිබඳ රාජ්‍ය බුද්ධි අංශ ප්‍රධානී සිදුකළ පැමිණිල්ලකට අනුව බ්‍රිතාන්‍ය විද්‍යුත් මාධ්‍ය නියාමන කාර්යාලය විමර්ශනයක් ආරම්භ කර ඇති බව වාර්තා වෙනවා.
චැනල්-4 නාලිකාව නිකුත් කළ වීඩියෝ පටය මඟින් රාජ්‍ය බුද්ධි අංශ ප්‍රධානීට චෝදනා එල්ල කර තිබුණා.
රාජ්‍ය බුද්ධි අංශ ප්‍රධානී සුරේෂ් සලේ මහතා පවසන්නේ තමා විසින් මීට පෙර එම චෝදනාවලට සාක්ෂි සහිතව පිළිතුරු ලබාදී තිබියදී චැනල්- 4 නාලිකාව විසින් සිතාමතා තමාව අපහසුතාවට පත් කිරීමේ අරමුණින් මෙම වීඩියෝ පටය ප්‍රචාරය කර ඇති බව ඔහු බ්‍රිතාන්‍ය විද්‍යුත් මාධ්‍ය නියාමන කාර්යාලයට දැනුම් දුන් බවයි.
අදාළ වීඩියෝව සම්බන්ධයෙන් විමර්ශන ආරම්භ කර ඇති බව එම කාර්යලය විසින් රාජ්‍ය බුද්ධි අංශ ප්‍රධානී වෙත දැනුම්දී ඇති බවද වාර්තා වෙනවා.
