එක්සත් රාජධානියේ දීර්ඝම කාලයක් කොවිඩ්-19 රෝගයෙන් පීඩා විඳි පුද්ගලයකු මාස දාහතරාමාරක කාලයක් ජීවිතය සමඟ කල සටනින් පසු මිය ගොස් ඇතැයි විදෙස් මාධ්‍ය වාර්තා කර ඇත.
මෙසේ මියගොස් ඇත්තේ 49 හැවිරිදි ජේසන් කෙල්ක් නැමති පුද්ගලයෙකි.
බටහිර යෝක්ෂයරයේ ලීඩ්ස් හි ශාන්ත ජේම්ස් රෝහලේ ප්‍රතිකාර ලබමින් සිටි ඔහු ඔහුට කරනු ලැබූ සියලු ප්‍රතිකාර ඉවත් කර ගැනීමට තීරණය කළ බව කියයි.
ඔහු මුල්ම වරට රෝහල් ගත කරනු ලැබුවේ පසුගිය වසරේ මාර්තු 31 වෙනි දාය.
දින කිහිපයකට පසු ඔහු එම රෝහලේ දැඩි සත්කාර ඒකකයට ප්‍රතිකාර සඳහා මාරු කර තිබේ.
තවදුරටත් මෙලෙස ජීවත් විය නොහැකි බවත් ඔහුගේ සියලුම ප්‍රතිකාර ඉවත් කරන ලෙසත් ඔහු නිර්භීතව රෝහල් කාර්ය මණ්ඩලයෙන් සහ පවුලේ ඥාතීන්ගෙන් ඉල්ලා සිට ඇත.
