අධිකරණ වාරණ නියෝගය පරිදි සෞඛ්‍ය වෘත්තීය සමිති සිදුකරනු ලබන වර්ජනය ක්‍රියාමාර්ගය අවසන් කරනු ඇති බවට තමන් අපේක්ෂා කරන බව සෞඛ්‍ය අමාත්‍ය කෙහෙළිය රඹුක්වැල්ල මහතා පවසනවා.
මහජනතාව අපහසුතාවට පත්කරන වැඩවර්ජන සදහා පවතින නීතිරාමුව තුළ කඩිනම් ක්‍රියාමාර්ග ගැනීම හැර නිහඩව සිටීමට සෞඛ්‍ය ආමාත්‍යංශය කිසිසේත් සූදානම් නොමැති බවයි අමාත්‍යවරයා පවසන්නේ.
කෙසේවෙතත් අධිකරණ වාරණ නියෝගය සම්බන්ධයෙන් මෙතෙක් නිල දැනුම්දීමක් සිය පාර්ශව වෙත සිදුකර නොමැති බවයි සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් මහතා පවසන්නේ.
මේ අතර සමන් රත්නප්‍රිය මහතා සදහන් කළේ වර්ජන ක්‍රියාමාර්ගයන්ට එළඹීම ව්‍යවස්ථාපිත අයිතියක් වන අතර නීති විරෝධි කිසිදු කාර්යයක් සිය සංගමය විසින් සිදුකර නොමැති බවයි.
