කර්මාන්ත ශාලා සේවකයින් සඳහා අමෙරිකානු ජනාධිති ජෝ බයිඩ්න් විසින් ගෙන එනු ලැබූ කොවිඩ් නීතියක්, එරට ශ්‍රේෂ්ඨාධිකරණය අත්හිටුවා ඈති බව විදෙස් මාධ්‍ය වාර්තා කර සිටිනවා.
එම නීතියට අනුව කර්මාන්ත ශාලා සේවකයින් එන්නත් ලබා ගැනීම, මුව ආවරණ පැළදීම හා සතිපතා කොවිඩ් පරීක්ෂාවන්ට ලක්වීම අනිවාර්ය වූ අතර එය බලපැවැත්වීමට නම් අවම වශයෙන් කර්මාන්ත ශාලාවක සේවකයින් 100 දෙනෙකු සිටිය යුතුව තිබුණි.
කෙසේ නමුත්, නව නීතිය අත්හිටුවමින් ශ්‍රේෂ්ඨාධිකරණය පවසා සිටියේ ජනාධිපති ජෝ බයිඩ්න් සිය අධිකාරිමය බලය ඉක්මවා ගොස් ඇති බවයි.
මේ අතර ඒ සම්බන්ධයෙන් අදහස් දක්වමින් බයිඩන් පරිපාලනය සඳහන් කරන්නේ නව නීතිය එරට කොවිඩ් වසංගතය පාලනය සඳහා උපකාරී වනු ඇතැයි අමෙරිකානු රජය විශ්වාස කළ බවයි.
