ප්‍රසිද්ධ සමාජ මාධ්‍ය ක්‍රියාකරුවෙකු වන උෂාන් වීදියගොඩට හොත් Ushan Vlogs ට අයත් ඩිෆෙන්ඩර් රථය මහියංගනය – මහනුවර මාර්ගයේ මොරගහමුල ප්‍රදේශයේදී මෝටර් රථයක ගැටී අනතුරක් සිදුව තිබෙනවා.
පැවති වර්ෂා සහිත කාලගුණයත් සමහ ඩිෆෙන්ඩර් රථය ලිස්සා ගොස් ඉදිරියෙන් පැමිණි මෝටර් රථයේ ගැටීමෙන් මෙම අනතුර සිදුව ඇති බවට වාර්තා වනවා.
කෙසේවෙතත් අනතුරින් කිසිදු අයෙක්ට හානියක් සිදුව නැහැ.
උෂාන් වීදියගොඩ පැදවූ මෝටර් රථයක් මීට පෙරද අනතුරකට ලක් වුණා.
නැතිබැරි පුද්ගලයින් හට උදව් කිරීමට සමාජ මාධ්‍ය යොදාගනිමින් මුදල් එක්රැස් කරන බවට ඔහුට අවස්ථා රැසකදී චෝදනාද එල්ලවී තිබෙනවා.
මේ අතර උෂාන් වීදියගොඩට අයත් Ushan Vlogs ෆේස්බුක් පිටුවටද මේ වන විට හැකර් ප්‍රහාරයක් එල්ලවී තිබෙනවා.
ඒ අනුව එහි මේ වන විට වැඩිහිටියන්ට පමණක් වන වීඩියෝ රැසක් අන්තර්ගත කර තිබෙන අයුරු දක්නට ලැබෙනවා.
