හිටපු අමාත්‍ය වාසුදේව නානායක්කාර මහතාව හමුවූයේ තම පියාගේ සුවදුක් සොයා බැලීමට පැමිණි විට දී බවත්, ඒ සාකච්ඡාවේදී කිසිදු දේශපාලන කාරණයක් සාකච්ඡා නොවූ බවත් නාමල් රාජපක්ෂ මාධ්‍ය ඒකකය පවසනවා.
ඒ, ආණ්ඩුව වෙනස් කර, සියලු දෙනා එක්ව නව ආණ්ඩුවක් පිහිටුවිය යුතු බවට ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ මහතා විසින් කරන ලදැයි කියන යෝජනාවක් හවුල් පක්ෂ නවයේ කණ්ඩායම ප්‍රතික්ෂේප කර ඇතැයි පුවත්පත් වාර්තා කර තිබීම සම්බන්ධව අදහස් දක්වමින්.
නාමල් රාජපක්ෂ මන්ත්‍රීවරයා සමඟ මේ සම්බන්ධයෙන් කිසිදු සාකච්ඡාවක් නොකිරීමට ද හවුල් පක්ෂවල නායකයන් තීරණය කර ඇතැයි එම පුවත්පත් වාර්තා වල සඳහන්ව තිබුණා.
කෙසේ නමුත් මේ සම්බන්ධයෙන් අදහස් දක්වමින් නාමල් රාජපක්ෂ මාධ්‍ය ඒකකය පවසන්නේ වර්තමානයේදී වඩාත් අවශ්‍ය වන්නේ තම දේශපාලන අවශ්‍යතා පසෙකදමා, මේ ඉතා අසීරු ආර්ථික සහ සමාජීය තත්වයෙන් වහා ජනතාව ගොඩගැනීම බවයි.
