මෙරට සිටි අතිදක්ෂ ප්‍රවීන රංගන ශිල්පීයෙකු වන දර්ශන් ධර්මරාජ් මහතා අභාවප්‍රාප්ත වී තිබෙනවා.
මිය යන විට ඒ මහතාගේ වයස අවුරුදු 41 ක්.
අද උදෑසන ඇතිවූ හදිසි රෝගී තත්ත්වයක් හේතුවෙන් ඔහු රෝහල් ගත කර ඇති අතර පසුව දර්ශන් මහතා මියගොස් ඇති බවයි වාර්තා වන්නේ.
දර්ශන් ධර්මරාජ් මහතා සිඩ්නි චන්ද්‍රසේකර මහතාගේ A9 ටෙලි නාට්‍යය හරහා පළමුව රූපවාහිනියට පිවිසෙන අතර 2008 වසරේ තිරගත වූ ප්‍රභාකරන් චිත්‍රපටයෙන් සිය සිනමා ජීවිතය ආරම්භ කළා.
ද්‍රවිඩ ජාතිකයෙකු වූ දර්ශන් ධර්මරාජ් මහතා සිය පළමු ටෙලි නාට්‍ය සදහා රංගනයෙන් දායකවන විට සිංහල භාෂාව හැසිරවීමට කිසිදු දැනුමක් නොතිබුණද මාස 03 ක් වැනි කෙටි කාලයක් තුළ ඔහු සිංහල භාෂාව ඉතා හොඳින් ඉගෙන ගනු ලැබූවා.
මචං, ඉරහඳ යට, ඉනිඅවන්, මාතා, ඇඩ්‍රස් නෑ, ස්පන්දන, ආලෝකෝ උදපාදි, දැවෙන විහඟුන්, සුනාමි වැනි චිත්‍රපට රැසක රංගනයෙන් දායක වූ ඔහු ඉනි අවන් චිත්‍රපටය වෙනුවෙන් 2012 වසරේ හොඳම නලුවා සම්මාන කිහිපයකින්ම පිදුම් ලැබුවා.
