ප්‍රවීණ ගායන ශිල්පී නුවන් ගුණවර්ධන මහතා ඊයේ (08) පස්වරුවේ අභාවප්‍රාප්ත වුණා.
ශ්‍රී ජයවර්ධනපුර රෝහලේ ප්‍රතිකාර ලබමින් සිටියදී ඒ මහතා මියගොස් තිබෙනවා.
මියයන විට නුවන් ගුණවර්ධන මහතාගේ වයස අවුරුදු 73කි.
පා වී ගියාවේ ලදේ මා ඔබේ, කඳුළින්ම ගැයූ, ළා සඳ එළියේ, කිරි මුදු වෙරළේ වැනි ගීත රැසක් ඔහු විසින් මෙරට සිංහල ගීත කලාවට තිලිණ කළ අයෙක් ලෙසයි සැලකෙන්නේ.
ඊට අමතරව මෙරට සිනමාවේ වැඩිම පසුබිම් ගීත ගායනා කළ ශිල්පීන් අතරද ඒ මහතා ඉදිරියෙන් පසු වනවා.
උත්තර භාරතීය ගීත ලාංකික රසිකයාගේ රසවින්දනය වෙනුවෙන් ඒ සමාන අයුරින් ගායනා කළ සංගීතවේදියෙක් ලෙසද ඔහු හැඳින්වෙනවා.
නුවන් ගුණවර්ධන මහතාගේ මහරගම – නාලන්දාරාම පාරේ පිහිටි ඔහුගේ නිවසේ තැන්පත් කෙරෙන අතර, අවසන් කටයුතු ලබන සඳුදා දිනයේ දී සිදු කිරීමට තීරණය කර ඇති බවයි පවුලේ ඥාතීන් සඳහන් කළේ.
