පොදු ජන අරගලය සමගි ජන බලවේගයේ අතට ගනිමින් නුදුරු අනාගතයේදී රට ගොඩගන්නා විප්ලවය ක්‍රියාත්මක කරන බව විපක්ෂ නායක සජිත් ප්‍රේමදාස පවසනවා.
ඒ, බොරැල්ල කැම්බල් පිටියේ ඊයේ (11) පැවති සමගි ජන බලවේගයේ වාර්ෂික සම්මේලනය අමතමින්.
“පොදුජන අරගලය නිසා සිරගත වූ විශාල ප්‍රමාණයක් තරණ තරුණියන් සිටිනවා. අපි ඒ අය වෙනුවෙන් පෙනී සිටිනවා විතරක් නෙමෙයි ජනතාවගේ දුක් කඳුළු අදෝනාව මත, පීඩනය මත නිර්මාණය වූ ඒ මහා ජන අරගලය අතට අරගෙන නොඳුරු අනාගතයේදී මේ රට ගොඩ ගන්න දැවන්ත විප්ලවය ක්‍රියාත්ම කරන්න අපි කටයුතු කරනවා.
ප්ලේටෝ කියන දාර්ශනිකයා මෙන්න මෙහෙම දෙයක් ලියලා තියෙනවා. ‘ඔබේ කැඩුණු සපත්තුව සාදා ගැනීමට ඔබ සොයන්නේ දක්ෂතම සපතත්තු සාදාන්නාය. අසනීප වූ විට බෙහෙත් ගැනීමට ඔබ සොයන්නේ දක්ෂතම වෛද්‍යවරයා. එහෙත් සියලු කාලාවන් අතරින් උසස්ම කාලව වන පාලන කලාව සඳහා ඔබ තොරගන්නේ අදක්ෂ කපටි රැලක්. මිත්‍රවරුණි, ඒ වැදගත් උපදෙස් අනුගමනය කරමින් අපි යෝජනා කරනවා රට ගෙඩනගන දක්ෂ පක්ෂ හපන්කම් තියෙන කණ්ඩායමක් අපි මේ රටට පත්කරගමු.”
මේ අතර මෙහිදී සජිත් ප්‍රේමදාස සමගි ජන බලවේගයේ නායකයා ලෙස යළි ඒකමතිකව තේරී පත්ව ඇති අතර සමගි ජන බලවේගයේ සභාපති ලෙස ෆීල්ඩ් මාර්ෂල් සරත් ෆොන්සේකා පත්කර ඇත.
රංජිත් මද්දුමබණ්ඩාර පක්ෂ ලේකම්වරයා ලෙසත් ආචාර්ය හර්ෂ ද සිල්වා පක්ෂ භාණ්ඩාගාරික ලෙසත් පත්ව තිබෙනවා.
සමගි ජන බලවේගයේ ජාතික සංවිධායක ලෙස තිස්ස අත්තනායක මහතා පත්ව ඇත.
