නාමල් රාජපක්ෂ මහතා දැන් පරිණත කෙනෙක් ලෙස පක්ෂයේ ඉදිරි ගමන ඔහු සමඟ ගෙන යා හැකි බව රාජ්‍ය අමාත්‍ය ශාන්ත බණ්ඩාර මහතා පවසනවා.
ඒ අනුව නාමල් රාජපක්ෂ මහතාව ආරක්ෂා කරගත යුතු බව රාජ්‍ය අමාත්‍යවරයා සඳහන් කරනවා.
2010 වසරේදී පාර්ලිමේන්තු පැමිණෙන සිටි කෙනාට වඩා පරිණත දැනුමෙන් වැඩි ජාත්‍යන්තර ගණුදෙනු තිබෙන කෙනෙක් ලෙස නාමල් රාජපක්ෂ මහතා දියුණුවක් ලබා ගෙන සිටින බව ශාන්ත බණ්ඩාර මහතා පවසා සිටිනවා.
”අපි හැමදාම වැටිලා තියෙනවා. ඒ වැටුණු අවස්ථාවලදී අපි නැගිටලා තියෙනවා. ඒ නිසා අපි අඩියක් පස්සට ගත්ත නම් නැවත වේගයෙන් ඉදිරියට යන්න ගමන ආරම්භ කරමු. මහින්ද රාජපක්ෂ මහත්තයාගේ නායකත්වයෙන් පොදුජන පෙරමුණ අද හොඳ පෙළක් එතුමා නිර්මාණය කරලා තියෙනවා. කිසිම දේශපාලන පක්ෂයක ජාතික සංවිධායක ධූරයේ වගකීම තරුණයෙකුට භාර දීලා නැහැ. නාමල් රාජපක්ෂ මැතිතුමාට අද සියලු දෙනාගේ ඒකමතික ආශිර්වාදයෙන් මේ පක්ෂයේ ඉදිරි අනාගතය භාර දීලා තියෙන්නේ. එතුමාව අපි ආරක්ෂා කරගන්න ඕනේ. මොකද අද අමාධ්‍ය වලින් විවධ දේවල් වලින් සමාජ මාධ්‍ය වලින් හොඳ පුද්ගලයෝ වැරදි පුද්ගලයෝ බවට පත්කරන්න පුළුවන්. වැරදි පුද්ගලයෝ හොඳ පුද්ගලයෝ බවට පත්කරන්න පුළුවන්. හරි කෙනා හරි තැන තියන්නත් පුළුවන්. ඒ නිසා අපි කලබල වෙන්නේ නැතුව නාමල් රාජපක්ෂ මැතිතුමාත් ආරාක්ෂා කරගෙන එතුමා 2010 පාර්ලිමේන්තුවට එන්නේ දැන් අවුරුදු 14ක් පාර්ලිමේන්තුවේ කටයුතු කරනවා. කැබිනට් ඇමති ධූර දරල තියෙනවා. පාර්ලිමේන්තු මන්ත්‍රීවරයෙක් හැටියට කටයුතු කරලා තියෙනවා. එදා හිටපු තරුණයා නෙවෙයි අද පරිණත වෙලා තියෙනවා. දැනුම වැඩිවෙලා තියෙනවා. ජාත්‍යන්තරය පිළිබඳ ගණුදෙනුවක් තියෙනවා. ඒ නිසා අපිට ඉදිරියට ගෙනියන්න පුළුවන්
