ජනාධිපති රනිල් වික්‍රමසිංහ විසින් හෙට (8) දින සිය රාජාසන කථාවේදී 13වන ව්‍යවස්ථා සංශෝධනය බලාත්මක කිරීම සම්බන්ධ යෝජනාවක් ගෙන එනු ඇති බවට කතාබහක් මේ වනවිට මතුව ඇතැයි නීතිවේදී නයන තරංග ගමගේ පවසනවා.
ඒ, Colombo View යූටියුබ් නාලිකාව සමඟ අදහස් දක්වමින්.
මේ සම්බන්ධයෙන් සිය අදහස් දක්වන්නැයි ජනාධිපතිවරයා පක්ෂ නායකයන්ගෙන් කළ ඉල්ලීම සම්බන්ධයෙන් කිසිඳු පක්ෂ නායකයෙකු මේ වනතෙක් ප්‍රතිචාර දක්වා නොමැති බවත් 13 කඩිමුඩියේ ක්‍රියාත්මක කිරීමට අවශ්‍ය දෙයක් නොවන බවට ආණ්ඩුවේ ප්‍රධාන හවුල්කාර පක්ෂය වන ශ්‍රී ලංකා පොදුජන පෙරමුණේ මහ ලේකම් සාගර කාරියවසම් පැවසූ බවත් The Island පුවත්පත උපුටා ගනිමින් නයන ගමගේ පවසනවා.
එබැවින්, ජනාධිපතිවරයා සහ ජනාධිපතිවරයා ප්‍රධානත්වය දරන රජයේ ප්‍රධාන හවුල්කාර පක්ෂය 13වන ව්‍යවස්ථා සංශෝධනය සම්බන්ධව ආස්ථාන 2ක සිටින බව පෙනෙන්නට ඇති බවත් ඔහු පවසනවා.
13 සම්බන්ධයෙන් පාර්ලිමේන්තුවේ විරෝධයක් ඇති බව පෙනෙන්නට තිබියදී ජනාධිපතිවරයා මෙම යෝජනාව ගෙන එන්නේ 13 ක්‍රියාත්මක කිරීමටම දැයි ගැටළුවක් පැන නගින බවත් ඔහු පෙන්වා දෙනවා.
වැඩිදුරටත් නරඹන්න..
