තමන් පසුගියදා ආසියානු ශූරතාවය දිනූ දැල්පන්දු ක්‍රීඩිකාවන් සහ ක්‍රිකට් ක්‍රීඩකයන් පිළිගැනීමට කටුනායක ගුවන්තොටුපලට ගියේ ඇයිදැයි පැහැදිළි කිරීමට ක්‍රීඩා හා යෞවන කටයුතු රාජ්‍ය අමාත්‍ය රෝහණ දිසානායක මහතා ඊයේ (16) ප්‍රවෘත්ති සාකච්ඡාවක් කැඳවා තිබුණා.
එහිදී ඔහු සඳහන් කළේ තමන් ඉතා දක්ෂ ක්‍රීඩකයෙකු බැවින් ක්‍රීඩිකාවන් හා ක්‍රීඩකයන් පිළිගැනීමට ගුවන්තොටුපළට යෑමට ඉතාමත් සුදුසු පුද්ගලයා තමන් බවයි.
තමන් කුඩා කළ සිටම ක්‍රීඩාකළ අයෙක් බවත් ඒ අනුව පාපන්දු, හොකී, ක්‍රිකට්, ටේබල් ටෙනිස් හා මළළ ක්‍රීඩා යන සියලුම ක්‍රීඩා තමන් සිදුකර ඇති බවද මෙහිදී අමාත්‍යවරයා ප්‍රකාශ කළා.
තමන් සමස්ත ලංකා දැල්පන්දු තරඟාවලියක් මාතලේ දිස්ත්‍රික්කය තුළ සංවිධානය කර ජයග්‍රහකයන්ට ත්‍යාගද බෙදාදුන් අයෙක් බවද අමාත්‍යවරයා මෙහිදී සිහිපත් කර සිටියා.
මෙම ක්‍රීඩා හැකියාවන් නිසා තමන්ට ක්‍රීඩා රාජ්‍ය අමාත්‍ය ධූරය හිමිවූ බව පෙන්වා දුන් අමාත්‍යවරයා තමන් හැර ඔවුන්ව පිළිගැනීමට ගුවන්තොටුපලට යෑමට වෙනත් සුදුසු පුද්ගලයෙක් සිටියිදැයි අමාත්‍යවරයා මෙහිදි විමසා සිටියා.
ඊට අදාළ දර්ශන පහතින්,
