ලෝක කුසලාන කාන්තා T20 තරගාවලිය ආරම්භ කරමින් පළමු තරගය සත්කාරක දකුණු අප්‍රිකාව සහ ශ්‍රී ලංකාව අතර පැවැත්වුණා.
කේප් ටවුන් ක්‍රීඩාංගනය 8000කට වැඩි ප්‍රේක්ෂකයන්ගෙන් පිරී ගොස් තිබුණු අතර එය දකුණු අප්‍රිකාවේ කාන්තා ක්‍රිකට් තරගයක් නැරඹීම සඳහා පැමිණි වැඩිම ප්‍රේක්ෂක සංඛ්‍යාවයි.
තරගයේ පළමුව පන්දුවට පහර දුන් ශ්‍රී ලංකා කණ්ඩායම නියමිත පන්දුවාර 20 තුල කඩුලු 4ක් දැවී ලකුණු 129ක් රැස් කළා.
එහිදී පන්දු 50ක් තුල ලකුණු ලකුණු 68ක් ලබා ගත් නායක චමරි අතපත්තුගේ ඉනිම කැපී පෙනුනා.
චමරි සහ 17 හැවිරිදි විශ්මි ගුණරත්න එක්ව දෙවැනි කඩුල්ලට ලකුණු 86ක සබඳතාවක් ගොඩනැගුවා.
විශ්මි ලකුණු 35යි.
පන්දු යැවීමේදී Shabnim Ismail, Marizanne Kapp සහ Nadine de Klerk එක් කඩුල්ල බැගින් දවා ගත්තා.
ලකුණු 130ක පහසු ඉලක්කයක් හඹා යෑමට පිටියට පිවිසි දකුණු අප්‍රිකානු ඉනිම සුනුවිසිණු කරන්නට ශ්‍රී ලංකා දඟ පන්දු බල ඇණිය සමත් වුණා.
පන්දුවාර 20 තුළ කඩුලු 9ක් දැවී දකුණු අප්‍රිකානු කණ්ඩායමට රැස් කරගත හැකි වූයේ ලකුණු 126ක් පමණයි.
පන්දු යැවීමේදී ඉනෝකා රණවීර ලකුණු 18 කට කඩුලු 3ක් දවා ගත්තා.
සුගන්ධිකා කුමාරි සහ ඕෂධී රණසිංහ කඩුලු 2 බැගින් දවා ගැනීමට සමත් වුණා.
ඒ අනුව ලකුණු 3ක තියුණු ජයක් ශ්‍රී ලංකා කාන්තා කණ්ඩායම ඉදිරියේ සටහන් වුණේ වාර්තාගත ප්‍රේක්ෂකාගාරයක් ඉදිරිපිට දකුණු අප්‍රිකාවට අනපේක්ෂිත පරාජයක් උරුම කරමින්.
ශ්‍රී ලංකාව සහ බංග්ලාදේශය අතර A කාණ්ඩයේ දෙවැනි තරගය හෙට පැවැත්වෙනවා.
