‘මැණිකේ මගේ හිතේ’ ගීතයත් සමඟ ක්ෂණික ජනප්‍රියත්වයක් මෙන්ම ඉන්දියාව ප්‍රමුඛ රටවල් කිහිපයකම අවධානය මෙරටට ලබා දීමට සමත් වූ යොහානි දිලෝකා ද සිල්වා රට මෙවැනි අර්බුදයකට මුහුණ දී සිටියදී නිහඬ මන්දැයි ප්‍රශ්න කිරීම පසුගිය කාලය පුරාවටම සමාජ මාධ්‍ය තුල දැකගත හැකි විය.
කෙසේ නමුත්, ඇයගේ දිගු නිහැඬියාව බිඳිමින් යොහානි එළිබැස ඇති අතර ඇය පවසන්නේ “දේශපාලනය ගැන කතා නොකරන බැවිනුත්, දේශපාලනය ගැන සැලකිය යුතු දැනුමක් නැති බැවිනුත් , එක දාගන්න විතරක් අරගලයට සම්බන්ද වීමට අකමැති බැවිනුත්” ඇය නිහඬව සිටි බවයි.
මේ අතර විදේශ විනිමය ඇමරිකානු ඩොලර් මිලියනයක් එකතු කිරීමේ යම් අරමුදලක් වෙනුවෙන් පරිත්‍යාග කරන ලෙසත් ඇය ඉල්ලා සිටිනවා.
කෙසේ නමුත්, කරුණු කිහිපයක් මත පදනම්ව ඇයගේ මෙම ක්‍රියාකලාපයට එරෙහිව විශාල ජන විරෝධතාවක් ඇතිව තිබෙනවා.
පළමුව, ජනතාවගේ දුක හඳුනා ගැනීමට දේශපාලන කියවීමක් අවශ්‍ය වන්නේ මන්ද යන්න ජනතාව ප්‍රශ්න කිරීමයි. දෙවනුව ජනතාව වෙනුවෙන් වීදි බැසි කලාකරුවන්ට ‘එක දාගන්නා පුද්ගලයන්’ ගේ ලේබලය ඇය ඇලවීමයි.
තෙවනුව ඇය පවසන ආකාරයට ඇයට වැටහීමට තරම් ඇය ‘පරිනත නැති’කරුණක් සම්බන්ධව ඇය ඩොලර් මිලියනයක මුදලක් රැස් කරන්නේ මන්ද යන්නයි.
සිව් වන මෙන්ම බරපතලම චෝදනාව වන්නේ ඇය විසින් රාජපක්ෂ වරුන් ප්‍රමුඛ වත්මන් රජය විසින් කලක සිට භාවිතා කළ #ForSrilanka හෑෂ්ටැගය භාවිතා කිරීමයි. #GoHomeGota හෑෂ්ටැගය භාවිතා කිරීම් මිලියන දෙකක් ඉක්මවා ඇති අවස්ථාවක අවධානය ඉන් ඉවතට ගැනීමට ඇය උත්සහ කරන බවටත් ඇය කිසියම් දේශපාලන ව්‍යාපාරයක නිරත වන බවට සැක සහිත බවටත් ඔවුන් චෝදනා කර සිටිනවා. එමෙන්ම, ඇයට කොළඹින් හිමිවූ ඉඩම වෙනුවෙන් ඇය කෘතගුන සලකන බවටයි ඔවුන් චෝදනා කර සිටින්නේ.
යොහානි විසින් මෙම මුදල් එකතු කිරීමේ කාර්‍යය සඳහා පල කරන ලද ෆේස්බුක් සටහනට අතිෂයින්ම සමාන සටහනක් හිරුෂි ජයසේන ව්සින් ද පල කර තිබීම විශේෂත්වයක්.
මීට පෙර අදාල හෑෂ්ටැගය භාවිතා කළ අවස්ථා
යොහානිගේ ෆේස්බුක් පිටුව
ආධාර ඉල්ලන සටහන
