බොලිවුඩ් චිත්‍රපටයකට සිංහල බස ඇතුලත් කළ යොහානි

යොහානි දිලෝකා ද සිල්වා විසින් ගායනා කරන මැණිකේ මගේ හිතේ ගීතයේ හින්දි අනුවාදනයක් “Thank god” බොලිවුඩ් චිත්‍රපටයට ඇතුලත් කර තිබෙනවා.

එම ගීතය මේ වනවිට නැරඹුම් වාර මිලියන 27 ක් පසු කර ඇති බවයි වාර්තා වන්නේ.

ලබන ඔක්තෝම්බර් මස 25 වැනිදා “Thank god” චිත්‍රපටය තිරගත වීම ආරම්භ වන අතර එහි ඇතුළත් මෙම ගීතය ඉකුත් 16 වැනිදා අන්තර් ජාලයට මුදා හරින ලදි.

මෙම ගීතය සිංහල සහ හින්දි භාෂා ද්විත්වයම එකතු වී නිර්මානය වී තිබීම විශේෂයක්.

මැණිකේ ගීතය යොහානි ද සිල්වා, ජුබින් නෞටියාල් සහ සූර්යා රඝු නාතන් ගයනා කරන අතර සංගීත අධ්‍යක්ෂණය තනිශ්ක් බක්ෂි සහ චමත් සංගීත් සිදුකර තිබෙනවා.

මෙම චිත්‍රපටයට අජේදේව්ගන් සහ සිද්ධාර්ත්‍ මල්හෝත්‍රා රංගනයෙන් දායක වෙයි.