G 20 අන්තර් ආගමික සමුළුව සඳහා ඉතාලිය බලා පිටත්ව ගිය අග්‍රාමාත්‍ය මහින්ද රාජපක්ෂ මහතා ඇතුළු ධූත පිරිසට අග්‍රාමාත්‍යවරයාගේ දෙටුපුත් යෝෂිත රාජපක්ෂ මහතාද සහභාගීවී තිබෙනවා.
යෝෂීත රාජපක්ෂ මහතා අග්‍රාමාත්‍ය කාර්ය මණ්ඩලයේ ප‍්‍රධානියාද වනවා.
කෙසේ වෙතත් මෙරටින් පිටත්ව ගිය ධූත පිරිස පිළිබදව පළකළ නිවේදනයේ යෝෂිත රාජපක්ෂ මහතා මෙම සංචාරයට සහභාගී වන බව සදහන්ව තිබුණේ නැහැ.
මෙම සංචාරය සඳහා විදේශ අමාත්‍ය ජී.ඇල්. පීරිස්, අග්‍රාමාත්‍ය ලේකම් ගාමිණී සෙනරත්, අග්‍රාමාත්‍ය ආර්යා ශිරන්ති රාජපක්ෂ, විදේශ අමාත්‍යාංශයේ ලේකම් අද්මිරාල් ජයනාත් කොළඹගේ මහතා ඇතුළු පිරිසක් එක්ව සිටිනවා.
කෙසේ වෙතත් ගෝඨාභය රාජපක්ෂ මහතා නිවේදනය කළේ තමන්ගේ ඇමරිකානු සංචාරය ඉතාමත් අඩුම පිරිසකගේ සහභාගීත්වයකින් සිදුකරන බවයි.
ඊට සහභාගිවන ජනාධිපති ආර්යා අයෝමා රාජපක්ෂ මහත්මිය සිය පෞද්ගලික මුදලින් එම සංචාරයට එක්වන බව ජනාධිපති මාධ්‍ය ඒකකය නිවේදනය කර තිබුණා.
කෙසේ වෙතත් පසුගියදා ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ජගත් කුමාර මහතා ජනතාවට දැනුම් දුන්නේ තුන්වේලෙන් දෙවේලක් කා මෙම ආර්ථික අර්බුදයට මුහුණ දීමට සූදානම් වන ලෙසයි.
