පසුගිය 15 වනදා මහජන ආරක්ෂක අමාත්‍යවරයා සහ ඉහළ පෙළේ පොලිස් නිලධාරීන් සමඟ විශේෂ සාකච්ඡාවක් පවත්වා තිබෙනවා.
පොලිස්පති ඇතුළු නියෝජ්‍ය සහ සහකාර පොලිස් නිලධාරීන් මෙම සාකච්ඡාව සඳහා සහභාගී වී ඇති බවයි වාර්තා වන්නේ.
එහිදී එක්සත් ජාතීන්ගේ කාර්යාලය ඉදිරිපිට සාමකාමී විරෝධතාවයේ නිරත වූ කාන්තාවන් අත්අඩංගුවට ගැනීම සිදු නොකළේ මන්දැයි අමාත්‍යවරයා විමසා තිබෙනවා.
එම ප්‍රදේශය භාරව සිටි පොලිස් නිලධාරියා කවුදැයි ඔහු අදාළ පොලිස් නිලධාරීන්ගෙන් ප්‍රශ්ණ කර ඇති බවයි වාර්තා වන්නේ.
එහිදී කොළඹ දකුණ භාර ජ්‍යෙෂ්ඨ පොලිස් අධිකාරී ගයන්ත මරාපන මහතා විමසා ඇත්තේ “අත්අඩංගුවට ගන්න තියෙන චෝදනාව කුමක්ද?” දැයි කියාය.
ජ්‍යෙෂ්ඨ පොලිස් අධිකාරී ප්‍රතිචාරයෙන් මහජන ආරක්ෂක අමාත්‍යවරයා කෝපයට පත් වී තිබෙනවා.
අමාත්‍යවරයා එහිදී පෙරලා ජ්‍යෙෂ්ඨ පොලිස් අධිකාරීවරයාගෙන් විමසා ඇත්තේ “ඇයි නැත්තේ, ඒක රජයට විරෝධී, ආණ්ඩුවට විරෝධී උද්ඝෝෂණ සහ පාගමන් කරන අය අත්අඩංගුවට ගන්න පුළුවන්. එතන චෝදනාවක් නැත්තේ”.
මිට පොලිස්පතිවරයා අමාත්‍යවරයාට පෙන්වා දී ඇත්තේ අත්අඩංගුවට ගැනීම සඳහා ප්‍රමාණවත් චෝදනාවක් නොමැති බවයි.
ඉන් අනතුරුව කොළඹ දකුණ ජ්‍යෙෂ්ඨ පොලිස් අධිකාරීවරයා අදහස් දක්වමින් ප්‍රකාශ කර ඇත්තේ නිත්‍යානුකුලව නොවන නීති විරෝධී අණ නිකුත් නොකට නොමැතිව පුද්ගලයින් අත්අඩංගුවට ගැනීමෙන් තමාට අනාගතයේ මානව හිමිකම් නඩුවවලට පෙනී සිටීමට නොහැකි බවයි.
එලෙස අදහස් දක්වමින් ඔහු එම රැස්වීමෙන් පිටත්ව ගොස් ඇති බවයි වාර්තා වන්නේ.
