ශ්‍රී ලංකාවේ කීර්තිමත් මෙන්ම සුන්දර ස්වභාවික පරිසර පද්ධතියක් සමන්විත පේරාදෙණිය විශ්ව විද්‍යාලය ජනතාවට නැරඹීම සඳහා ජුලි 1 වනදා විවෘත දිනයක් ලෙස ප්‍රකාශයට පත් කර තිබෙනවා.
ඕපන් ඩේ 2023 ලෙස මෙය නම් කර ඇති බව සඳහන්.
මහනුවර දිස්ත්‍රික්කයේ පේරාදෙණිය නගරයට ආසන්නව හන්තාන කඳු පන්තියේ බටහිර බෑවුම සහ මහවැලි ගංඟාව අතර මනරම් පරිසරයකයි පේරාදෙණිය විශ්ව විද්‍යාලය පිහිටා තිබෙනවා.
වසර 80කට පෙර ආරම්භ කළ පේරාදෙණිය විශ්ව විද්‍යාලය මෙලෙස ජනතාවට නැරඹීම සඳහා විවෘත වන්නේ පළමු වරටයි.
එදිනට විශ්ව විද්‍යාලයේ සියළුම පීඨයන් ජනතාව වෙනුවෙන් විවෘතව වන අතර ඒ තුළ විද්‍යා ප්‍රදර්ශනයක් සහ සංස්කෘතිකාංගයන්ද දැක බලාගැනීමට අවස්ථාව හිමිවනු ඇති.
මෙහිදී උසස් අධ්‍යාපනය පිළිබඳ පවතින ගැටළු නිරාකරණය කර ගැනීමට හැකියාව ලබාදී ඇති බවද සඳහන්.
