යම් යම් තීන්දු මහජන දුෂ්කරතාවන්ට හේතුවූ නිසා ඒවා සම්බන්ධයෙන් යම් වෙනස්කම් කිරීමට සිදු වුවද හරිත කෘෂිකර්මයක් සඳහා වූ රජයේ ප්‍රතිපත්තියේ කිසිඳු වෙනසක් සිදුව නොමැති බව ජනාධිපති ගෝඨාභය රාජපක්ෂ මහතා පවසනවා.
ඒ, අද දින (18) 09 වන පාර්ලිමේන්තුවේ දෙවන සැසිවාරය ආරම්භයේදී එහි රාජාසන කතාව සිදුකරමින්.
හරිත කෘෂිකර්මය කාබනික පොහොර වලට ලඝු කිරීම හරිත කෘෂිකර්මය අසාර්ථකවීමට හේතුවක් වූ බවයි ජනාධිපතිවරයා පවසන්නේ.
වස විසෙන් තොර ආහාර සඳහා ජාත්‍යන්තර වෙළඳපොළක් නිර්මාණය කර ගැනීම රජයේ බලාපොරොත්තුව බවත් ඒ හරහා කෘෂිකර්මය ආශ්‍රිතව රැකියාවේ නියැලෙන්නන්ගේ ආර්ථිකය ශක්තිමත් කළ හැකි බවත් ඔහු පෙන්වා දෙනවා.
2022 වසරේ ආහාර සුරක්ෂිතාව වෙනුවෙන් කටයුතු කළ යුතු වසරක් බවද වගා කළ හැකි සෑම ඉඩමක්ම වගා කිරීමට යොදා ගත යුතු බවත් ඒ සඳහා බිත්ති පිංතාරු කළ තරුණයින්ට හා පුරන් කුඹුරු අස්වද්දපු තරුණයින් ආරාධනා කරන බවත් ජනපතිවරයා පවසනවා.
